असार ९, दाङ ।
नारायणपुर उद्योग बाणिज्य संघले लकडाउन अवधिको घरभाडा छुट गरिदिन घरधनीहरुलाई अनुरोध गरेको छ । आज बसेको संघको बैठकले यस्तो अनुरोध गरेको हो ।
कोभिड १९ को उच्च जोखिमलाई रोक्न जिल्लामा जारी लकडाउन अवधिभर व्यापार व्यवसाय नभएका कारण व्यवसायीहरुलाई भाडा तिर्न कठिनाइ भएका कारण घरभाडा छुट गरिदिन अनुरोध गरेको हो ।
व्यवसायी प्रयोजनका लागि उपयोग गरिएका कोठा तथा घरको भाडामा छुट गरी व्यवसायीहरुलाई राहत दिलाइदिनका लागि अनुरोध गरेको बताइएको छ । संघका अध्यक्ष अभियान बस्नेतको अध्यक्षतामा बसेको बैठकको सहजीकरण महासचिव बसन्त न्यौपानेले गरेका थिए ।