मा प्रकाशित
असार १०, दाङ ।
नेपाली काँग्रेसको १४ औँ महाधिवेशनको मिति निश्चित भएसँगै नेताहरूको दौडधुप सुरु भएको छ । सभापति शेरबहादुर देउवाले फेरि दोहरिने आकाङ्क्षासहित भेटघाट तीव्र पारेपछि देउवाकै पक्षमा रहेका नेताहरूले पनि नेतृत्वका लागि छलफल गरिरहेका छन् ।
काँग्रेसको महाधिवेशन आगामी भदौ १६ देखि १९ गतेसम्म हुँदैछ । नेता विमलेन्द्र निधीले पनि आफू सभापतिको दौडबाट पछि नहट्ने बताइसक्नुभएको छ । वरिष्ठ नेता रामचन्द्र पौडेलले पनि सभापतिमा दावी गर्ने आगामी रणनीति बनाउन नेताहरूसँगको भेटघाटलाई तीव्रता दिनुभएको छ ।
नेता पौडेलले महाधिवेशन केन्द्रित छलफलका लागि आफू पक्षीय नेताहरूको बैठक आजका लागि बोलाउनुभएको छ । दिउँसो २ बजेपछि काठमाडौँको एक पार्टी प्यालेसमा बैठक बोलाइएको केन्द्रीय सदस्य गुरूराज घिमिरेले जानकारी दिनुभयो ।
