कनिका डेस्क
जेठ २३, दाङ ।
पछिल्लो समयमा चीन–भारत बिच सीमा क्षेत्रमा तनाव बढिरहेका बेला चीनले सीमा क्षेत्रको स्थिति सामान्य रहेको वताएको छ ।
चिनियाँ र भारतीय सेनाका उच्च पदाधिकारीबीच सीमा विवादलाई लिएर यहि जुन ६ तारिखमा वार्ता हुने तय भइरहेको बेला बेइजिङले समग्रमा शान्ति र स्थिति नियन्त्रित रहेको भनेको हो ।
मन्त्रालयका प्रवक्ता कङ् श्वाङले बेइजिङमा पत्रकार सम्मेलन गर्दै परराष्ट्र दुवै पक्ष घनिष्ठ सम्पर्कमा रहेर सम्बन्धित मुद्दालाई समाधान गर्न सक्रिय रहेको बताए । तर उनले वार्ताको ठोस स्वरूपबारे प्रष्ट खुलाएनन्।
यद्यपि भारतीय अधिकारीहरूले चिनियाँ सेनाले सीमा क्षेत्रमा बाक्लो उपस्थिति बढाएको दाबी गर्दै भारतले पनि उस्तै तयारी गरिरहेको बताउदै आइरहेका छन ।
चीन भारत सीमा क्षेत्रमा लामो समयदेखि लगातार वर्षेनी कुनै न कुनै घटना हुने गरेका छन्। सीमा क्षेत्रमा बारम्बार हुने रस्साकस्सी, धक्कामुक्का, हतियार खोसाखोसका घटना निरन्तर चलिरहेपनि दुवै मुलुक ठोस समाधानमा पुग्न सकेका छैनन्। भारतले चीनलाई गम्भीर हुन चेतावनी दिने गरेको छ तर चीन भने गम्भीर वार्ताको पहलका लागि प्रयत्नरत रहेको बताउदै आएको छ ।
छिमेकी मुलुकहरूसँग सीमा विवाद झेलिरहेको भारत यतिखेर नेपालले समेत भारतबाट अतिक्रमित भूमि समेटेर नयाँ नक्सा जारी गरेसँगै थप रापिएको छ ।