मा प्रकाशित
दाङ, २८ असार ।
नायक एवं तेक्वान्दोका अन्तर्राष्ट्रिय खेलाडी आयान बज्राचार्य चितवनकी सगुन गिरीसंग असार २३ गते विवाह बन्धनमा बाँधिएका छन् ।
दाङ निवासी नायक बज्राचार्य स्व. सानुकाजी बज्राचार्य र स्व. दिलमाया बज्राचार्यका माइला सुपुत्र हुन् भने चितवन निवासी सगुन गोपाल गिरी र यामकुमारी गिरीकी जेष्ठ सुपुत्री हुन् । उनीहरु लामो समयदेखि प्रेम सम्बन्धमा थिए ।
नायक आयनले इतिहास, कालापानी, एकता, यस्तो पनि हुन्छ र माया ? परीक्षा लगायत एक दर्जन चलचित्र र करीब आधा दर्जन म्यूजिक भिडियोमा अभिनय गरेका छन् । तेक्वान्दोका अन्तर्राष्ट्रिय खेलाडी समेत रहेका नायक आयानले राष्ट्रिय स्वर्णपदक जितेका छन् ।
जेसिस उत्कृष्ट युवा अवार्ड लगायत थुप्रै पुरस्कार र सम्मान प्राप्त गरेका नायक आयन एउटा नयाँ प्रोजेक्टको तयारीमा छन् ।
