दाङ, ७ साउन ।
माडी नदीमा बगेर बेपत्ता भएका प्युठानका दुई बालिकाको शव भेटिएको छ । सोमवार दिउँसो बाख्रा चराउन गएका सरुमारानी गाउँपालिका–४ बैकेका बोमबहादुर थापा मगरकी ८ वर्षीया छोरी विपना थापा मगर र मान्द्रेका नुमबहादुर थापाकी ७ वर्षीया छोरी शर्मिला थापा मगर माडी नदीमा बगेर वेपत्ता भएका थिए ।
उनीहरुको बुधवार शव भेटिएको जिल्ला प्रहरी कार्यालय प्युठानले जानकारी दिएको छ ।उनीहरु मध्ये एक जनाको प्युठानमा र अर्का एक बालिकाको दाङ प्युठानको सिमाना राप्ती नदी किनारमा शव भेटिएको जिल्ला प्रहरी कार्यालय प्युठानले जानकारी दिएको छ । पौडी खेल्ने क्रममा उनीहरु बगेपछि खोजी कार्य भईरहेको थियो ।