साउन ८, दाङ ।
काठमाडौँ उपत्यकामा आज बिहान भूकम्पको धक्का महसुस भएको छ । आज विहानै भक्तपुरको सल्लाघारी नजिक केन्द्रविन्दु भएर गएको ३.५ म्याग्निच्युटको भूकम्पले काठमाडौँमा धक्काको महसुस गराएको छ भने आज दिउँस नेकपा अध्यक्ष केपी शर्मा ओलीलाई कम्युनिस्टका शीर्ष नेता एउटै मञ्चमा भेला भएर राजनीतिक झड्का दिन लागेका छन् ।
आज शुक्रबार नेपालका कम्युनिस्ट पार्टीका शीर्ष नेता एकै मञ्चमा भेला हुने भएका छन् । नेकपा एमालेका अध्यक्ष केपी शर्मा ओलीबाहेकका शीर्ष कम्युनिस्ट नेताले आज एकै मञ्चबाट सम्बोधन गर्न लागेका हुन् ।
पुष्पलाल स्मृति दिवसको अवसरमा आज पुष्पलाल मित्रता केन्द्रले आयोजना गर्न लागेको प्रवचन कार्यक्रममा कम्युनिस्ट पार्टीका शीर्ष नेताहरु सहभागी हुन लागेका छन्।
केन्द्रले आयोजना गर्ने ‘नेपाली कम्युनिस्ट आन्दोलनको वर्तमान संकट र आगामी बाटो’ विषयक प्रवचन कार्यक्रममा सात जना कम्युनिस्ट नेता सहभागी हुनेछन्।
केन्द्रका अध्यक्ष जगन्नाथ खतिवडाका अनुसार ललितपुरको च्यासलस्थित तुलसीलाल स्मृति प्रतिष्ठानमा कार्यक्रम आयोजना गर्न लागिएको छ।