भदौ १६, दाङ ।
तालिबानले अबको केहिदिन भित्रै नयाँ सरकारको घोषणा गर्ने तयारी गरेको छ । तालिबानको राजनीतिक कार्यालय कतारका उपप्रमुख शेर अब्बा स्टानेक्जाइले अबको केहिदिन भित्रै अफगानिस्तानमा नयाँ सरकार गठन हुने बताउनुभयो ।
बीबीसीका अनुसार स्टानेक्जाइले २० वर्षअघि मन्त्री भएकाहरू यसपटक समावेश नहुने र महिलालाई प्राथमिकता राखेर मन्त्रीपरिषद गठन गर्ने तयारी गर्नुभएको छ । अफगानिस्तानका अधिकांश भूभाग नियन्त्रणमा लिइसकेको तालिबानले अगस्ट १५ मा राजधानी काबुल कब्जा गरेको थियो ।
अफगानिस्तानबाट विदेशी सेना बाहिरिएपछि सरकार गठन गर्ने बताएको तालिबानले अमेरिकी सेना फर्किसँगै सरकार गठनको तयारी गरेको हो ।