मा प्रकाशित
भदौ १६, दाङ ।
सरकारले नेपाल र भारतबीचको दुई मैत्रीपूर्ण खेल हेर्न दर्शकलाई पनि अनुमति दिर्ने भएको छ ।सरकारले एन्फालाई स्वास्थ्यको प्रोटोकल पालना गर्दै दर्शकसहितको खेल आयोजना गर्न अनुमति दिएको हो ।
तर, खेल हेर्ने दर्शकले कोभिडको पूर्ण खोप लगाएको वा कोरोना परीक्षणको रिपोर्ट नेगेटिभ आएको देखाउनु पर्नेछ। टिकट मूल्य साँझसम्म टुङ्गो लाग्ने एन्फाले जनाएको छ ।नेपालले भारतसँग भोलि पहिलो मैत्रीपूर्ण खेल खेल्नेछ ।
त्रिपुरेश्वरस्थित दशरथ रंगशालामा हुने मैत्रीपूर्ण खेल अपरान्ह साढे ५ बजे सुरु हुनेछ ।यस्तै नेपालले भारतसँग दोस्रो खेल आइतबार खेल्नेछ ।माल्दिभ्समा आयोजना हुने साफ च्याम्पियनसिपको तयारीका लागि नेपाल र भारतले मैत्रीपूर्ण खेल खेल्न लागेको हो।साफ च्याम्पियनसिप अक्टोबर १ देखि १६ (असोज १५ देखि ३०) गतेसम्म आयोजना हुनेछ।
