मा प्रकाशित
भदौ १६, सल्यान ।
आज बुधबार बिहान सल्यानको वनगाड कुपिण्डे नगरपालिकाको सल्लीवजारबाट पेस्तोल सहित एक जना पक्राउ परेका छन् । पक्राउ पर्नेमा जाजरकोट नलगाड नगरपालिका ४ का २८ वर्षिय गणेश रावल रहेको जिल्ला प्रहरी कार्यालय सल्यानका निमित्त प्रहरी प्रमुख अर्जुन पौडेलले जानकारी दिए ।
भारतीय नम्वर प्लेड भएको सीएच ०१ बिपी २१९४ नम्बरको मोटसाइकलमा सवार रावल सल्लीबजार स्थित प्रहरी चेक प्वाइन्टमा चेकजाँच गर्ने क्रममा शंकास्पद रूपमा भागेपछि ईलाका प्रहरी कार्यालय देवस्थल सल्यानबाट खटिएको प्रहरी टोलीले पक्राउ गरेको निमित्त प्रहरी प्रमुख पौडेलले जानकारी दिनुभयो । पक्राउ परेका पौडेलको साथबाट कटुवा पेस्तोल र पेस्तोलमा प्रयोग हुने २ राउण्ड गोली बरामद गरिएको छ ।
