भदौ १७, दाङ ।
दाङको सिस्नेखोलाले बगाउदा चार जनाको मृत्यु भएको छ भने एक जना घाईते भएको छन् । नेपालगञ्जबाट दातर्फ आउदै गरेको प्र.३.०१.०२४ च ४४४० नम्वरको गाडी सिस्ने खोलाले गएराति १० बजेतिर बगाउदा गाडीमा सवार चार जनाको मृत्यु भएको हो भने चालक घाईते भएको जिल्ला प्रहरी कार्यालय दाङका प्रहरी प्रवक्ता एवं डिएसपी मुकुन्द प्रसाद रिजालले जानकारी दिए ।
मृत्यु हुनेमा गाडीमा सवार घोराही १३ बस्ने ४० वर्षिया रितामाया पुन, घोराही १३ बस्ने अन्दाजी ३२ वर्षिया सुसिला श्रेष्ठ, घोराही १४ का अन्दाजी ३१ वर्षिया राधा श्रेष्ठ कुंवर र सोहि वडाको ४२ वर्षिया बिमला केसी रहेको डिएसपी रिजालले जानकारी दिए । गाडी चालक घोराही १३ बस्ने ४३ वर्षिय नर बहादुर पुन घाईते भएका छन् । गाडी सहित दुई जनाको शव गए राति नै भेटिएको हो भने दुई जनाको विहान फेला परेको डिएसपी रिजालले जानकारी दिनुभयो ।
