मा प्रकाशित
एजेन्सी ।
हुथी समूहले यमनको मारिब सहर कब्जामा लिएको दाबी गरेको छ । सरकारी सैन्य अधिकारीले मारिब सहर आफ्नो नियन्त्रण बाहिर गएको बताएका हुन् । इरान समर्थित हुथी समूहले तेल खानी रहेका क्षेत्र भएकाले पनि मारिब क्षेत्रलाई लामो समयदेखि नियन्त्रणमा लिने प्रयास गर्दै आएको थियो ।
मारिबमा यमनका अन्य क्षेत्रबाट पलायन भएर आएका झन्डै २० लाख मानिस छन् । यमनमा जारी गृहयुद्धका कारण १० हजारभन्दा बढी मानिसको मृत्यु भइसकेको छ भने लाखौँ मानिस अन्त सरेका छन् । संयुक्त राष्ट्रसङ्घले द्वन्द्वरत पक्षहरूलाई वार्तामा ल्याउने प्रयास गरिरहेको छ । यमनमा सन् २०१४ को अन्त्यदेखि गृहयुद्ध जारी छ ।
