भदौ १८, दाङ ।
वैदेशिक रोजगारीमा जाने नेपाली कामदारको सङ्ख्या घटेसँगै रोजगारीका लागि विदेश जाने नेपाली महिलाको सङ्ख्या पनि घटेको छ । अघिल्लो वर्षको तुलनामा रोजगारीमा जाने नेपाली महिलाको सङ्ख्या ३९ प्रतिशतले घटेको छ ।
अघिल्लो वर्ष १८ हजार २ सय ६ जना महिला वैदेशिक रोजगारीमा गएका थिए । गत वर्ष ३९ प्रतिशतले घटेर ७ हजार १ सय ७८ जना महिला वैदेशिक रोजगारीमा गएको वैदेशिक रोजगार विभागले जनाएको छ । नेपाली महिलाहरु सबैभन्दा बढी रोजगारीका लागि दुबइ गएका छन् । दुबइमा २ हजार ३ सय५२ जना, दोस्रो कतारमा १ हजार ५४ जना महिला रोजगारीका लागि गएका छन् । जोर्डानमा ९ सय १८ र साईप्रसमा पनि ९ सय १४ जना नेपाली महिला रोजगारीका लागि गएका छन् । नेपालको ७७ जिल्ला मध्ये सवै भन्दा बढी झापाका महिलाहरू रोजगारीका लागि बिदेशिएका छन् ।