भदाै १९, दाङ ।
नेपाली कांग्रेसको वडा महाविधेशन दाङमा भोलिदेखि सुरु हुने भएको छ । भोलि उम्मेदवारी दर्ता र पर्सि मतदान हुने निर्वाचन समितिको कार्यालयले जनाएको छ । समितिले सार्वजनिक गरेको निर्वाचन कार्यतालिका अनुसार भोली भदौ २० गते बिहान १० बजे प्रथम मतदाता नामावली प्रकाशन हुने छ । बिहान ११ :१५ बजे मतदाता नामावली प्रकाशन, ११ : २० देखि १ः २० सम्म उम्मेदवारी मनोनयन दर्ता , दिउँसो १ : ५० बजे प्रथम उम्मेदवारको नामावली प्रकाशनको कार्यक्रम तय भएको छ ।
१ :५५ देखि २ः३५ बजे सम्म उम्मेदवार माथिको दाबी बिरोध शंशोधन,दिउँसो ३ बजे उम्मेदवारको शंशोधित नामावली प्रकाशन, ३ः ५ देखि साँझ ६ बजे सम्म उम्मेदवारी फिर्ता, बेलुका ६ : ३० बजे उम्मेदवारको अन्तिम नामावली प्रकाशनको कार्यक्रम तय भएको छ । भदौ २१ मा मतदान हुने छ । मतदान बिहान ९ बजे देखि दिउँसो ४ बजे सम्म हुने निर्वाचन समितिले जनाएको छ ।
