एमसीसीको विषयलाई लिएर सत्ता पक्ष र प्रतिपक्षमा विरोध र समर्थन – Kanika Khabar
Sunday, March 3Nepali News Portal

एमसीसीको विषयलाई लिएर सत्ता पक्ष र प्रतिपक्षमा विरोध र समर्थन

    मा प्रकाशित

भदौ २०, काठमाडौँ ।
एमसीसीको विषयलाई लिएर सत्ता पक्ष र प्रतिपक्ष दुबैमा समर्थन र विरोध दुबै भइरहेको छ । काँग्रेसभित्र पनि प्रधानमन्त्रीसमेत रहनुभएका सभापति देउवा संसदबाट यसलाई पारित गर्ने पक्षमा रहनुभएको छ भने केही नेताहरु यसको विपक्षमा रहेका छन् ।

एमालेका नेता भीम रावलले एमसीसी सम्झौता पारित गर्न नहुने बताउँदै आउनुभएको छ । माओवादी केन्द्र र एमालेभित्र पनि नेताहरूबीचमा फरकफरक धारणा रहेको छ भने एकीकृत समाजवादीका नेताहरूले परिमार्जनसहित पारित गर्नुपर्ने धारणा राख्दै आएका छन् ।

यसैबीच, एमसीसीको विषयलाई लिएर आन्दोलन तोडफोड सुरु भएपछि सरकारले त्यसो नगर्न विज्ञप्तिमार्फत अनुरोध गरेको छ । गृह मन्त्रालयका प्रवक्ता फणिन्द्रमणि पोखरेलले एमसीसीको विषयलाई लिएर तोडफोड तथा भौतिक आक्रमणका घटना हुन थालेकाले सरकारले सम्बन्धित मुलुकलाई आश्वस्त पार्नका लागि सरकारले विज्ञप्ति निकालेको बताउनुभयो । सरकारले अब बस्ने संसद बैठकमा यस बारेमा छलफल चलाउने तयारी गरेको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्