भदौ २६, जाजरकोट ।
जाजरकोटमा दादुराका विरामी भेटिएका छन् । नेपालले सन् २०१९ भित्रै दादुरा उन्मूलन गर्ने लक्ष्य राखेको भएपनि अहिले दादुराका बिरामी भेटिएका हुन् । जाजरकोटको भेरी नगरपालिका–१ रावतगाउँमा गत साउन ८ गते मिल्दोजुल्दो लक्षण भएका बिरामी देखिएपछि परीक्षण गर्दा दादुरा भएको पाइएको भेरी नगरपालिकाको स्वास्थ्य शाखाका दीपक ओलीले जानकारी दिनुभयो ।
दादुराका विरामी भेटिएपछि प्रदेश स्वास्थ्य निर्देशनालय सुर्खेत, स्वास्थ्य सेवा कार्यालय जाजरकोट र भेरी नगरपालिका स्वास्थ्य शाखाबाट संयुक्तरूपमा स्थलगत अनुगमन गरिएको छ ।