मा प्रकाशित
दाङ,२ असोज । दाङमा इलाका प्रहरी कार्यालय तुलसीपुरले फेला पारेको ब्याग सम्बन्धित ब्यक्तिलाई बुझाएको छ । चितवन भरतपुर महानगरपालिका वडा नं.६ कृष्णपुर बस्ने भावना पौडेलको हराएको ब्याग प्रहरी हवलदार यज्ञबहादुर थापाले फेला पार्नुभएको थियो ।
चितवन घर भएकी पौडेल माईती घर तुलसीपुर ९ बेलुवा जाने क्रममा शुक्रबार पिपल चौतारमा विश्राम गर्ने क्रममा झोला विर्सेर गएपछि उक्त झोला प्रहरीले फेला पारेको थियो । झोला भित्र रहेको एक थान मोबाइल,एक थान पर्स,पाँच आनाको मंगलसुत्र नगद १६ हजार प्रहरीले शनिबार सम्बन्धित ब्यक्ति पौडेललाई बुझाएको इलाका प्रहरी कार्यालय तुलसीपुरका प्रहरी प्रमुख डीएसपी श्यामु अर्यालले जानकारी दिनुभएको छ ।
