असोज ३, दाङ ।
नेपालमा पछिल्लो २४ घण्टामा ६५६ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले दिएको जानकारी अनुसार आज देशभर गरी ६५६ जना सङ्क्रमित थपिएका हुन् ।
हालसम्म सङ्क्रमितको संख्या ७ लाख ८४ हजार ५६६ पुगेको छ । यस्तै २४ घण्टामा १ हजार ४१३ निको भएका छन् । यो सँगै डिस्चार्ज हुनेको संख्या ७ लाख ४९ हजार २१३ रहेको छ । मन्त्रालयका अनुसार २४ घण्टाको अवधिमा १२ जनाको मृत्यु छ ।
यो सँगै नेपालमा कोरोनाबाट मृत्यु हुनेको संख्या ११ हजार ४० पुगेको छ । हाल सम्म पीसीआर परीक्षण ४० लाख ९३ हजार १०० पुगेको छ । सक्रिय सङ्क्रमितको संख्या २४ हजार ३१३ र २४८ जना क्वारेन्टाइनमा रहेका छन् ।