असोज ७, दाङ ।
विश्व स्वास्थ्य सङ्गठन (डब्लूएचओ)ले वायु प्रदूषण सोचिएभन्दा निकै खतरनाक भएको चेतावनी दिएको छ । मानव स्वास्थ्यका लागि सबैभन्दा ठूलो वातावरणीय खतरा भएको भन्दै डब्लूएचओले एक वर्षमा ७० लाख मानिसको वायु प्रदुषणसँग सम्बन्धीत रोगका कारण मृत्यु हुने गरेको तथ्याङ्क सार्वजनिक गरेको छ ।
कम र मध्य आय भएका देशहरु धेरै प्रभावित भएको डब्लूएचओले जनाएको छ । वायु प्रदूषणको जोखिम कम गर्न तत्काल कदम चाल्नुपर्नेमा जोड दिँदै मानव स्वासप्रश्वासमा देखिने अन्य समस्या धुम्रपान र अस्वास्थ्यकर भोजनसँग सम्बन्धित रहेको पनि डब्लूएचओले बताएको छ ।