१२ असोज, दाङ।
देउखुरीमा सालको रुख ढालेर चिरान गर्दै गरेको अबस्थामा ३ जना पक्राउ परेका छन । लमही नगरपालिका वडा नम्बर ७ उचानिम्बु सामुदायिक बन क्षेत्र भित्र सालको गोलिया चिरान गरिरहेको अबस्थामा मँगलबार बिहान ३ जना पक्राउ परेका हुन ।
बन कार्यालयको गस्ती टोलीले उनिहरुलाई रँगे हात पक्राउ गरेको डिभिजन बन कार्यालय देउखुरीका डिभिजन बन अधिकृत बेसिन्द्र राज सुवेदीले बताए । उनिहरु रुख ढालेर चिरान गर्दै गरेको अबस्थामा पक्राउ परेका हुन । उनिहरुको साथबाट सालका ३ थान गोलिया र २ थान चिरान काठ फेला परेको छ । चिरान गर्दै गरेको स्थानमा ४ वटा सालका रुखपनि ढालिएको छ ।
पक्राउ पर्नेहरुमा लमही नगरपालिका वडा नम्बर ७ उचानिम्बु निवासी राज बहादुर चौधरी, कृष्ण कुमार चौधरी र शरद चौधरी रहेका छन् । उनिहरुलाई अनुसन्धान तथा म्याद थपका लागी जिल्ला बन कार्यालयमा उपस्थित गराउने तयारी थालिएको सहायक बन अधिकृत चौधरीले बताए ।