असोज १३, दाङ ।
आज तराईमा धुमधामका साथ जितिया पर्व मनाइदँैछ । मैथिली र थारु समुदायका महिलाले तीन दिनसम्म जितिया पर्व मनाउने गर्छन् । यो पर्व आश्विन कृष्णपक्षको सप्तमी, अष्टमी र नवमी तिथिमा हर्षोल्लासका साथ मनाउने गरिन्छ ।
मैथिली र थारु समुदायका महिलाले उपवास बसी आज साँझ व्रत सम्पन्न गर्ने गर्छन् । पुत्रको सुखशान्ति र चिरायुका लागि महिलाले उपवास र प्राचीन विधिद्धारा पूजा गरेर यो पर्व मनाउने चलन रहेको छ । जितिया पर्वको अवसरमा राष्ट्रपती विद्यादेवी भण्डारी र प्रधानमन्त्री शेरबहादुर देउवाले शुभकामना सन्देश दिनुभएको छ ।