मा प्रकाशित
असोज १३, दाङ ।
नेकपा एकीकृत समाजवादी पार्टीका अध्यक्ष माधवकुमार नेपालको स्वास्थ्यमा समस्या देखिएको छ । स्वास्थ्यमा समस्या आएपछि अध्यक्ष नेपाललाई त्रिवि शिक्षण अस्पताल महाराजगञ्जमा भर्ना भएको उनको स्वकीय सचिवालयले जनाएको हो।
ज्वरो र खोकीको समस्या देखिएपछि अस्पतालमा भर्ना गरिएको हो ।
अध्यक्ष नेपालको स्वास्थ्य अवस्था सामान्य रहेको र केही दिन आरामसहित उपचार गर्नुपर्ने सल्लाह चिकित्सकहरुले दिएको उनका स्वकीय सचिव मोहन गौतमले बताए।
