नेपालमा २९दशमलव २ प्रतिशतले कोरोना विरुद्धको दुवै मात्रा खोप लगाए

असोज १६, दाङ ।
नेपालमा २९ दशमलव२ प्रतिशतले कोरोना भाइरस (कोभिड–१९) विरुद्धको दुवै मात्रा खोप लगाएका छन् । गत २४ घण्टामा ८३ हजार ३ सय ७३ जनाले कोरोना विरुद्धको खोप लगाएसँगै नेपालमा लक्षित जनसङ्ख्याको २९ दशमलव २ प्रतिशतले दुवै मात्रा खोप लगाएका स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका अनुसार आजसम्ममा ६३ लाख ४८ हजार २७९ जनाले पूर्ण मात्रा खोप लगाइसकेका छन् । यस्तै, ७६ लाख ९४ हजार ६०९ जना अर्थात ३५ दशमलव ४ प्रतिशतले पहिलो मात्रा खोप लगाएका पनि मन्त्रालयले जानकारी दिएको छ ।