असोज १८, दाङ ।
देशभर थप १० जनाको कोरोना सङ्क्रमणका कारण मृत्यु भएको छ । स्वास्थ्यतथा जनसङ्ख्या मन्त्रालयका अनुसार गत २४ घन्टामा देशभर १० जनाको कोरोनाका कारण मृत्यु भएको हो ।
योसँगै नेपालमा कोरोनाका कारण मृत्यु हुनेको सङ्ख्या ११ हजार १ सय७४ पुगेको छ । यस्तै गत २४ घन्टामा १ हजार ३० जनामा कोरोना सङ्क्रमण पुष्टि भएको छ । मन्त्रालयले सार्वजनिक गरेको अद्यावधिक तथ्याङ्क अनुसार गत २४ घन्टामा १० हजार ८ सय७४ कोरोना परीक्षण गर्दा १ हजार ३० जनामा कोरोना सङ्क्रमण देखिएको हो ।
योसँगै नेपालमा कोरोनाका कारण सङ्क्रमित हुनेको सङ्ख्या ८ लाख ९० हजार २ सय ५६ पुगेको छ । यस्तै गत २४ घन्टामा देशभर रहेका सक्रिय सङ्क्रमितमध्ये १ हजार जना स्वस्थ भएका छन् ।
योसँगै नेपालमा कोरोना सङ्क्रमणपछि निको हुनेको सङ्ख्या ७ लाख ७० हजार २ सय २४ पुगेको छ । हाल देशभर सक्रिय सङ्क्रमितको सङ्ख्या १६ हजार ६ सय ६ रहेको छ ।