साफ च्याम्पियनसिपको फाइनलमा पहिलो पटक पुगेर इतिहास बनाएको नेपाल राष्ट्रिय फुटबल टिमलाई राष्ट्रपति विध्यादेवी भण्डारीले बधाई दिनुभएको छ । राष्ट्रपति भण्डारीले आज सामाजिक सञ्जालमार्फत टिमलाई बधाई दिनुभएको हो ।
उहाँले ट्विटरमा साफको फाइनलमा पुगेर राष्ट्रिय गौरव हासिल गरेको नेपाली टोलीलाई बधाई दिनुभएको हो । ट्विटमा साफ फुटबल प्रतियोगिताको इतिहासमा प्रथम पटक फाइनलमा पुगेर राष्ट्रिय गौरव हासिल गर्न सफल नेपाली फुटबल टिमका सम्पुर्ण खेलाडी, प्रशिक्षक र पदाधिकारीहरुलाई बधाई भन्दै फाइनलमा सफलताको शुभकामना समेत व्यक्त गर्नु भएको छ ।