कार्तिक ३, दाङ ।
बेमौसमी वर्षाका कारण आएको बाढी पहिरो र डुबानमा परेर ४८ जनाकाे मृत्युु भएकाे छ भने विभिन्न जिल्लामा ३१ जना बेपत्ता भएका छन् ।
याे समाचार तयार पार्दासम्म गृह मन्त्रालयका अनुसार मृत्यु हुनेमा सबैभन्दा बढी इलाममा ११ र डोटीमा ९ जना छन् ।
त्यसपछि पहिरामा परी हुम्ला, धनकुटा र पाँचथरमा छ/छजनाको मृत्यु भएको गृह मन्त्रालयले जनाएको छ । यस्तै बैतडीमा चार, कालीकोटमा एक, डडेलधुरामा एक, प्यूठानमा एक, सुनसरीमा दुई र उदयपुरमा एकजनाको मृत्यु भएको गृहप्रवक्ता फडिन्द्रमणि पोखरेलले जानकारी दिए ।
मन्त्रालयका अनुसार पहिरामा परेर सबैभन्दा बढी बझाङ्मा २३ जना बेपत्ता भएका छन् । यस्तै डोटीमा एक, प्यूठानमा दुई, इलाममा पाँचजना बेपत्ता छन् ।
विभिन्न जिल्लामा अहिलेसम्म २३ जना घाइते भएका छन् ।