कार्तिक १८, दाङ ।
नेकपा एकीकृत समाजवादीका अध्यक्ष माधवकुमार नेपालले संघीय संसदको निर्वाचन संविधानले तोकेकै समयमा हुने तर समय भन्दा अगाबै हुने सम्भावना नरहेको बताउनुभएको छ ।
आज एकीकृत समाजवादी मध्यपुर थिमि नगर कमिटीले आयोजना गरेको कार्यक्रममा अध्यक्ष नेपालले कसैले चाहँदैमा संघीय संसदको निर्वाचन चाडैं नहुने बताउनुभयो । उहाँले संघीय संसदको निर्वाचन संविधानले तोकिएकै समयमा हुने बताउनुभयो ।
राष्ट्रियसभाको निर्वाचन र स्थानीय तहको निर्वाचन चैतमा हुने बताउँदै उहाँले निर्वाचन र केन्द्र तथा प्रदेशको उपनिर्वाचनमा पाँच दलको गठबन्धन हुने पनि बताउनुभयो ।
अहिले बनेको गठबन्धनलाई कसैले चाहदैमा भत्काउन नसकिने अध्यक्ष नेपालको भनाइ छ । छिटै चुनाब पनि नहुने तथा बनेको गठबन्धन कसैले भत्काउँदा पनि भत्किन नसकिने उहाँले बताउनुभयो ।
अध्यक्ष नेपालले केपी ओलीको दम्भकै कारण एमालेले केन्द्रीय सरकार र प्रदेश सरकारमा आफ्नो पार्टीको हैसियत गुमाउनु परेको धारणा राख्नुभयो ।