मा प्रकाशित
कार्तिक २५, दाङ । सरकारले बालबालिकालाई कोभिड–१९ विरुद्धको फाइजर खोप कार्तिक २८ गतेदेखि लगाउने भएको छ । २८ गतेबाट सुरू गरिने खोप कार्यक्रममा १२ वर्ष उमेरभन्दा माथिका दीर्घ रोगी बालबालिकालाई प्राथमिकतामा राखिएको छ । फाइजर खोपको पहिले मात्रा कार्तिक २८ देखि मङ्सिर ४ गते सम्म लगाइने छ भने दोस्रो मात्रा मङ्सिर २७ देखि पुस २ गतेसम्म लगाईने छ । कोभ्याक्स सुविधा मार्फत अमेरिकाले १ लाख मात्रा खोप उपलब्ध गराएको फाइजर खोप दीर्घरोगी बालबालिकालाई लगाइने स्वास्थ्य तथा जनसङ्ख्या मन्त्रालयले जनाएको छ । खोप, काठमाडौँ उपत्यकाभित्रका ८ र बाहिरका १६ गरी २४ वटा खोप केन्द्रमा लगाइने भएको छ ।
