मा प्रकाशित
रुसमा कोरोना भाइरसका कारण मृत्यु हुनेदरमा अझै कमी आउन सकेको छैन । पछिल्लो २० दिनदेखि रुसमा दैनिक १ हजारभन्दा बढीको कोरोना सङ्क्रमणका कारण मृत्यु हुने गरेको छ । गत २४ घन्टामा पनि रुसमा कोरोनाका कारण १ हजार २ सय ११ जनाको मृत्यु भएको छ । योसँगै रुसमा कोरोनाका कारण २ लाख ५६ हजार ५ सय ९७ जनाको मृत्यु भइसकेको छ ।
यस्तै गत २४ घन्टामा ३८ हजार ४ सय २० जना नयाँ सङ्क्रमित थपिएका छन् । योसँगै रुसमा कोरोनाका कारण सङ्क्रमित हुनेको सङ्ख्या ९१ लाख ९ हजार ९४ पुगेको छ । रुसमा सबैभन्दा पहिले कोरोनाविरुद्धको खोप लगाइएको भएपनि पछिल्लो समय बढ्दो कोरोना सङ्क्रमण र मृत्यु हुने दर बढ्दै जाँदा त्यसले चिन्ता थपेको छ । रुसले पहिलो कोरोनाविरुद्धको खोप स्पुतनिक भी विकास गरेको थियो । रुसको राजधानी मस्को हाल कोरोनाका कारण बढी प्रभावित बनेको छ ।
