मा प्रकाशित
मंसिर १, दाङ ।
प्रदेश १ का मुख्यमन्त्री राजेन्द्र राईले आज विश्वासको मत लिनुहुने भएको छ । हिजोका लागि बोलाइएको प्रदेशसभा बैठक सुरु हुनासाथ स्थगित भएपछि राईले आज मात्रै विश्वासको मत लिनुहुने भएको हो ।
हिजोको प्रदेशसभा बैठकमा प्रमुख प्रतिपक्षी नेकपा (एमाले)का सांसद उपस्थित नभएपछि सभामुख प्रदीपकुमार भण्डारीले सुरु भएको केही बेरमै बैठक स्थगित गर्नुभएको थियो । उहाँले भोलि बिहान ११ बजे बस्नेगरी प्रदेशसभा बैठक बोलाउनुभएको छ ।
मुख्यमन्त्री राईले विश्वासको मतसम्बन्धी प्रस्ताव अस्ति आइतबार संसद सचिवालयमा दर्ता गराउनुभएको थियो । विश्वासको मत लिनलाई दुई दिनअघि त्यससम्बन्धी प्रस्ताव संसद सचिवालयमा दर्ता गराउनुपर्ने व्यवस्था छ । तर केहीबेरमै बैठक स्थगित भएपछि विश्वासको मत लिने प्रस्ताव टेबुल हुन सकेन ।
