शिवु खनाल
दाङ, ११ मंसिर
राजपुर गाउँपालिकाकाे दोस्रो गाउँ सम्मेलनबाट अध्यक्षमा चक्रबहादुर खड्का (शिखर) निर्वाचित हुनुभएको छ । नेपाल कम्युनिस्ट पार्टी(माओवादी केन्द्र)ले देशभर ७५३ वटा पालिकाहरुमा एकैपटक पालिका सम्मेलन समापन गरेकाे छ ।
शनिबार दाङ देउखुरी राजपुरमा भएको सम्मेलनले गाउँपालिका अध्यक्षमा चक्रबहादुर खड्का (शिखर) लाई निर्विरोध निर्वाचित गरेको छ । सम्मेलनबाट खड्काकाे अध्यतामा ४९ सदस्यीय कार्यसमिति सर्वसम्मत रूपमा निर्विरोध निर्वाचित भएका छन् ।
यस्तै समितिको उपाध्यक्ष भाेगेन्द्रसिंह राजपुत, श्यामबहादुर राेका, महिला उपाध्यक्ष लक्ष्मीदेवि चाैधरी, सचिव विष्णुप्रसाद यादव, सह-सचिव दिलमती वलि, काेषाध्यक्ष भिमबहादुर वलि निर्वाचित भएका छन् ।
सम्मेलन (माओवादी केन्द्र) स्थायी कमिति सदस्य, पूर्वसभामुख कृष्णबहादुर महराकाे प्रमुख आतिथ्यतामा समपन्न भएकाे थियाे । माओवादीले पहिलोपटक निर्वाचन प्रणालीबाट मतदाता नामावली र मनोनय दर्तासहित सम्मेलन गर्दै राजपुर गाउँपालिकामा निर्विरोध नेतृत्व चयन गरेको हाे ।
यस्तै गाउँपालिकाकाे दाेस्राे सम्मेलनबाट प्रदेश सम्मेलनकाे लागि छजना निर्विरोध नेतृत्व चयन भएका छन् । जस्मा मिश्रिलाल गुप्ता, रामप्रसाद यादव, बेदुराम सुनार, चक्रबहादुर खड्का (शिखर) भिमबहादुर वलि, पुष्पा यादव, रहनु भएको छ ।
