दक्षिण अफ्रिकाबाट कर्नाटक आएका दुई जनामा यो भेरियन्ट देखिएको हो । उनीहरूमा सामान्य लक्षण देखिएको स्वास्थ्य अधिकारीहरुले बताएका छन् ।
संक्रमित दुबै पुरुषलाई निगरानीमा राखिएको छ । नयाँ भेरियन्ट देखिएसँगै अन्य सहरमा पनि परीक्षण सुरु गरिएको छ ।
ओमिक्रोन देखिएपछि भारतले दक्षिण अफ्रिका, न्यूजिल्यान्ड, बंगलादेश, बेलायत, हङकङ र इजरायललगायतका उच्च जोखिम भएका देशबाट आउने यात्रुलाई कडाइ गरेको छ ।
ती देशबाट आउने यात्रुको कोभिड परीक्षण गरिने र कोभिड नतिजा नआएसम्म उनीहरुलाई विमानस्थलबाहिर जान रोक लगाइने भारतको संघीय स्वास्थ्य मन्त्रालयले जनाएको छ ।
कोभिड पुष्टि हुने यात्रुलाई छुट्टै राखेर उपचार गरिने र उनीहरूको नमूना ओमिक्रोन जाँचका लागि जीन सिक्विन्सिङ गर्न पठाइने मन्त्रालयले जनाएको छ ।
त्यस्तै, ती देशबाट आउने यात्रु एक साता घरमा क्वारेन्टिनमा बस्नुपर्ने जनाइएको छ । एजेन्सी
