छ महिनाभित्र राजसंथा र हिन्दू राष्ट्रको पक्षमा नयाँ रेखा : लिङ्देन – Kanika Khabar
Thursday, December 1Nepali News Portal

छ महिनाभित्र राजसंथा र हिन्दू राष्ट्रको पक्षमा नयाँ रेखा : लिङ्देन

    मा प्रकाशित

काठमाडौं, १९ मंसिर । राष्ट्रिय प्रजातन्त्र पार्टी (राप्रपा) का नवनिर्वाचित अध्यक्ष राजेन्द्र  लिङ्देनले ६ महिनाभित्रमा राजसंस्था र हिन्दू राष्ट्रको पक्षमा  नयाँ रेखा काेरिने बताएका छन् । उनले ६ महिनाभित्रमा राजसंस्था र हिन्दू राष्ट्रका पक्षमा  सबैलाई एकमत बनाउने उद्घोष गरेका हुन् ।

अध्यक्षमा निर्वाचित भएपछि प्रतिक्रिया दिँदै उनले राप्रपाबाहिर भएका राजसंस्था र हिन्दू राष्ट्र चाहिन्छ भन्ने सबै संघ-संगठन र पार्टीलाई एकताबद्ध गरेर लैजाने बताएका छन् ।

‘राप्रपाबाहिर भएका राजसंस्था र हिन्दू राष्ट्र चाहिन्छ भन्ने सबै व्यक्ति, समूह, संघसंगठन र पार्टीलाई एकताबद्ध गरेर एउटा राष्ट्रिय शक्तिको निर्माण गर्ने छौँ। र, त्यो शक्तिको आधारमा हामीले निर्वाचनको तयारी गर्दै सडक संघर्षको पनि प्रारम्भ गछौँ, जहाँबाट छिटो हुन्छ, त्यतैबाट राजसंस्था स्थापना गछौँ’, लिङ्देनले न्युज कारखानासँग भने ।

उनले राप्रपाको कमीकमजोरी सच्याएर कांग्रेस, कम्युनिस्ट पार्टीको विकल्पमात्र होइन, जनताको मन जित्ने पार्टी बनाउने बताए।

‘राप्रपाको ३१ वर्षको इतिहासमा खिइँदैखिइँदै कमजोर हुँदै आउने क्रममा अहिले सर्वाधिक कमजोर अवस्थामा छ’, उनले भने, ‘यो राष्ट्रिय पार्टीको रूपमा समेत छैन । विभाजित हाम्रो पार्टी फेरि हामीले एकीकरण गर्‍यौँ । एकीकरण गरेको दुुई वर्ष बित्दा पनि हाम्रा नेताहरूले पार्टीमा सुधार र विकासका कुनै संकेतहरू देखाउनु भएन । यो बीचमा ठूलाठूला राष्ट्रिय मुद्दाहरू र घटनाहरू भए, त्यस्तो अवस्थामा राप्रपा कहाँ छ भन्ने थाहा भएन । त्यस्तो अकर्मण्यमात्र भएन, बरु उहाँहरू झगडा गरेर बस्नुभयो ।’

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्