काठमाडौं, २८ मंसिर । नेपाली कांग्रेस सभापति पदको निर्वाचन दोस्रो चरणमा प्रवेश गरेको छ । मंगलबार बिहान सकिएको मतगणना अनुसार कसैले पनि ५० प्रतिशतभन्दा बढी मत पाउन सकेनन् ।
अन्तिम मत परिणाम अनुसार, ४ हजार ६८१ मतगणना हुँदा शेरबहादुर देउवाले २ हजार २५८, डा. कोइरालाले १ हजार ७२९ मत पाएका छन् ।
त्यस्तै, प्रकाशमान सिंहले ३७१, विमलेन्द्र निधिले २४९ र कल्याण गुरुङले २० मत पाएका छन् ।
कांग्रेस विधान अनुसार, ५० प्रतिशतभन्दा बढी मत कसैको पनि नआए बढी मत पाउने पाउने दुई उम्मेदवारबीच पुनः मतदान गर्नुपर्ने हुन्छ ।
यसको अर्थ शेरबहादुर देउवा र डा. शेखर कोइरालाबीच पुनः मतदान हुनेछ । यस सम्बन्धमा अहिले केहीबेरमा निर्वाचन समितिको बैठक बसेर निर्णय गर्ने जनाइएको छ ।
सम्भवतः आजै मतदान हुनेछ ।