पुस ५, दाङ ।
राष्ट्रिय सभाको बैठक अनिश्चितकालका लागि स्थगित भएको छ । आज १ बजे बसेको राष्ट्रिय सभाको बैठकमा प्रमुख प्रतिपक्षी दल एमालेका सांसदहरूले अवरोध गरेपछि अनिश्चितकालका लागि स्थगित भएको हो ।
सभाका अध्यक्ष गणेशप्रसाद तिमिल्सिनालेसांसदहरूलाई राष्ट्रिय सभा सञ्चालन हुन दिएर सदनको मर्यादा कायम राख्नका लागि पटकपटक आग्रह गरे पनि सांसदहरुले अबरोध जारी राखेपछि पछि अर्को सूचना नआएसम्मका लागि बैठक स्थगित गरेको जानकारी गराउनुभयो ।
राष्ट्रिय सभामा एमालेका सांसद देवेन्द्र दाहालले प्रमुख प्रतिपक्षीले उठाएका प्रश्नको जवाफ आउनुपर्ने भन्दै आवाज उठाउनु भएको थियो । माधवकुमार नेपाललगायत एमालेले कारबाहीका लागि सिफारिस गरेका १४ सांसदलाई सभामुख अग्निप्रसाद सापकोटाले पदमुक्तको सूचना जारी नगरेसम्म विरोध जारी रहनेउहाँले बताउनु भएको छ ।