मा प्रकाशित
प्रधानन्यायाधीश चोलेन्द्रशम्शेर जबराले आज बोलाउनुभएको न्याय सेवा आयोगको बैठक स्थगित भएको छ ।न्याय परिषद सचिवालयका प्रवक्ता मानबहादुर कार्कीले आज विज्ञप्ति प्रकाशित गरी लोकसेवा आयोगका अध्यक्ष माधवप्रसाद रेग्मी उपत्यका बाहिर रहेको कारण बैठक स्थगित भएको जानकारी गराउनुभयो ।
न्याय सेवाका राजपत्राङ्कित कर्मचारीको सरुवा–बढुवा लगायतको काम रोकिएको भन्दै प्रधानन्यायाधीश जबराले आज दिउँसो ३ बजेका लागि बैठक बोलाउनुभएको थियो ।प्रधानन्यायाधीश अध्यक्ष रहने न्याय सेवा आयोगमा कानून, न्याय तथा संसदीय मामिलामन्त्री दिलेन्द्रप्रसाद बडु, सर्वोच्च अदालतका वरिष्ठतम न्यायाधीश दीपककुमार कार्की, लोक सेवा आयोगका अध्यक्ष माधवप्रसाद रेग्मी र महान्यायाधिवक्ता खम्मबहादुर खाती सदस्य छन् ।
