सुडानको राजधानी खार्तुममा इन्टरनेट सेवा बन्द गरिएको छ । नागरिक शासन बहाल गर्न माग गर्दै सर्वसाधारणले प्रदर्शनको तयारी गरेपछि सरकारले राजधानीमा इन्टरनेट सेवा बन्द गर्ने निर्णय गरेको हो ।
ठूलो विरोध प्रदर्शनको तयारीको क्रममा मानिसहरूलाई भेला पार्न वेबसाइट र ऐपहरूको प्रयोग बढेको हुँदा सरकारले त्यसलाई रोक्ने उद्देश्यले इन्टरनेटमा रोक लगाउने निर्णय गरेको बीबीसीले जनाएको छ ।
सर्वसाधारणहरू आन्दोलनका लागि आवतजावत गर्ने भएकाले सरकारले अधिकांश पुलहरू पनि बन्द गरेको छ । यसअघि विरोध प्रदर्शन गर्नेहरूले २५ अक्टुबरमा भएको सत्ता कब्जाको दुई महिना अर्थात् २५ डिसेम्बरपछि अभियानलाई तीव्र बनाउने घोषणा गरेका थिए ।