प्रधानमन्त्री कप टी–ट्वान्टी क्रिकेट प्रतियोगितामा आज दुई खेलहरू मात्रै हुने भएका छन् ।प्रतियोगिता अन्तर्गत आज टियु क्रिकेट मैदानमा दुई खेल हुनेछन् ।पहिलो खेलमा प्रदेश १ र नेपाल पुलिस क्लबबीच प्रतिस्पर्धा हुनेछ।
समूह ‘ए’ मा पुलिस ३ खेलमा ६ अङ्क जोडेर शीर्ष स्थानमा रहेको छ ।पुलिसले सेमिफाइनलमा स्थान बनाईसकेको छ । प्रदेश १ ले २ खेलमा १ अङ्क जोडेको छ । प्रदेश १ पाँचौ स्थानमा रहेको छ ।
टियुमै हुने दोस्रो बागमती प्रदेश र गण्डकी प्रदेशबीच प्रतिस्पर्धा हुनेछ ।समूह ‘बी’ मा रहेको बागमती ३ खेलमा २४ अङ्क जोडेर दोस्रो स्थानमा रहेको छ।गण्डकीलाई हराएर बागमती सेमिफाइनल पुग्ने योजनामा रहेको छ ।
गण्डकी २ खेलमा अङ्कबिहीन रहदै पुछारमा रहेको छ ।प्रतियोगितामा सहभागी १० टिमलाई दुई समूहमा विभाजन गरिएको छ । समूह ‘ए’ मा आर्मी क्लब, कर्णाली प्रदेश, पुलिस क्लब, सुदुरपश्चिम प्रदेश र प्रदेश नं. १ रहेका छन् ।समूह ‘बी’ अन्तर्गत एपीएफ क्लब, प्रदेश नं. २, बागमती प्रदेश, लुम्बिनी प्रदेश र गण्डकी प्रदेश रहेका छन् ।दुबै समूहका विजेता र उपविजेता टोली सेमिफाइनलमा प्रवेश गर्नेछन् ।प्रतियोगिताको फाइनल खेल माघ ५ गते हुनेछ ।