चीनको जन्मदर १ प्रतिशतले घटेको छ । सन् २०२० को तुलनामा सन् २०२१ मा चीनको जन्मदर १ प्रतिशतले घटेको हो । चीनको राष्ट्रिय तथ्याङ्क विभागका अनुसार सन् २०२० मा १ हजार व्यक्तिमा ८ दशमलव ५२ प्रतिशत दर रहेकोमा सन् २०२१ मा ७ दशमलव ५२ प्रतिशतमा झरेको हो ।
विभागका अनुसार सन् १९४९ मा कम्युनिष्ट चीनको स्थापना हुँदाको रेकर्ड सुरु भएयता यो तथ्याङ्क सबैभन्दा कम हो । सन् २०२१ मा देशले एक करोड ६ लाख २० हजार जन्मदर्ता गरेको छ । आधिकारिक तथ्याङ्कअनुसार यसैसँगै देशको जनसङ्ख्या १ अर्ब ४१ करोड पुगेको छ । एक दशकमाा एक पटक गरिने गतवर्षको जनगणनाको नतिजाअुसार चीनको जनसङ्ख्या ६० वर्षपछि सबैभन्दा कम दरमा बढेको छ ।
विश्लेषकहरूले अपेक्षा गरेभन्दा बढी बुढ्यौलीको कारण आर्थिक वृद्धिको चिन्तालाई गहिरो बनाउन सक्ने चेतावनी दिएका छन् ।