माघ ६, काठमाडौँ ।
सरकार सञ्चालनमा सहयोग गर्न गठित राजनीतिक समन्वय समितिको आज बस्ने भनिएको बैठक स्थगित भएको छ । बैठक आज अपराह्न ४ बजे प्रधानमन्त्रीको सरकारी निवास बालुवाटरमा बस्ने तय थियो ।
तर, अन्तिम समयमा आएर बैठक स्थगन भएको राष्ट्रिय जनमोर्चाका उपाध्यक्ष दुर्गा पौडेलले बताउनुभयो । बैठक किन स्थगित भयो भन्ने बारेमा केही जानकारी नगराइएको उहाँको भनाइ छ ।
आजको बैठकमा निर्वाचन ऐन संशोधन, तीन तहका निर्वाचनलगायत विषयमा छलफल हुने भनिएको थियो ।सत्ता गठबन्धनमा निर्वाचन मिति तोक्ने विषयमा फरक–फरक धारणा छ ।