पोखरामा जारी २० औं संस्करणको आहा रारा गोल्डकप फुटबल प्रतियोगिता अन्तर्गत आज एक मात्रै खेल हुने भएको छ ।पोखरा रङ्गशालामा हुने क्वाटरफाइनलमा विभागीय टिम नेपाल एपीएफ क्लब र बिवाइएसी मिनेसोटा युएसएबीच प्रतिस्पर्धा हुनेछ । यी दुई टोलीबीचको खेल दिउँसो साढे २ बजे सुरु हुनेछ ।आज दुबै टिम जित निकाल्दै सेमिफाइनल पुग्ने लक्ष्यसहित मैदान उत्रनेछ ।
यस खेलको विजेताले सेमिफाइनलमा सङ्कटा क्लब र मछिन्द्र क्लबबीचको विजेतासँग खेल्नेछ ।एपीएफ आयोजक सहारा क्लबलाई २–० ले हराएर क्वाटरफाइनलमा पुगेको हो । बिवाइएसी युएसए भने सिधै क्वाटरफाइनल खेल्न लागेको हो ।
सहारा क्लब पोखराको आयोजनामा जारी प्रतियोगितामा कुल १० टिमको सहभागिता रहेको छ ।प्रतियोगिताको विजेता टिमले १० लाख १ हजार र उपविजेता टिमले ५ लाख १ हजार प्राप्त गर्ने छ । यस वर्ष पनि स्वर्गीय सूर्यबहादुर केसीको स्मृतिमा उत्कृष्ट ५ विधाको पुरस्कार प्रदान गरिने छ ।