एपीएफ क्लब २० औं संस्करणको आहा रारा गोल्डकप फुटबल प्रतियोगिताको सेमिफाइनलमा प्रवेश

विभागीय टिम नेपाल एपीएफ क्लब २० औं संस्करणको आहा रारा गोल्डकप फुटबल प्रतियोगिताको सेमिफाइनलमा प्रवेश गरेको छ । आज भएको पहिलो क्वाटरफाइनलमा बीवाईएससी मिनेसोटा युएसएलाई ३ – १ गोल अन्तरले हराउँदै एपीएफ अन्तिम चारमा पुगेको हो । अब एपीएफले सेमिफाइनलमा सङ्कटा क्लब र मछिन्द्र क्लबबीचको विजेतासँग खेल्नेछ ।

यस अघि एपीएफले पहिलो खेलमा आयोजक सहारा क्लबलाई २ – ० ले हराएर क्वाटरफाइनलमा स्थान बनाएको हो । बिवाइएसी युएसए भने सिधै क्वाटरफाइनल खेल्न लागेको हो । सहारा क्लब पोखराको आयोजनामा जारी प्रतियोगितामा कुल १० टोलीको सहभागिता रहेको छ ।

प्रतियोगिताको विजेता टिमले १० लाख १ हजार र उपविजेता टिमले ५ लाख १ हजार प्राप्त गर्ने छ । यस वर्ष पनि स्वर्गीय सूर्यबहादुर केसीको स्मृतिमा उत्कृष्ट ५ विधाको पुरस्कार प्रदान गरिने छ ।