नेपाल क्रिकेट सङ्घ (क्यान)ले क्यानले महिला तथा पुरुष राष्ट्रिय खेलाडीको नयाँ वर्गीकरण सार्वजनिक गरेको छ । हिजो बसेको क्यानको बोर्ड बैठकले पुरुष तथा महिला राष्ट्रिय क्रिकेट खेलाडीहरूलाई २०२२ को केन्द्रीय सम्झौतामा अनुबन्ध गर्ने निर्णय गरेको हो । यसअघि अनुशासन उल्लङ्घनका सम्बन्धमा बुझ्न सङ्घले गठन गरेको छानबिन समितिले गरेको सिफारिस बमोजिम चार जना खेलाडीहरूलाई २०२२ को सेन्ट्रल कन्ट्याक्टमा सुरुको ६ महिनाको लागि सहभागी नगराउने निर्णय पनि फिर्ता लिइएको क्यानले जनाएको छ । योसँगै कारबाही गरेका खेलाडी पनि ग्रेड ए मा परेका छन् ।
पुरुष खेलाडीतर्फ कतान सन्दीप लामिछाने, ज्ञानेन्द्र मल्ल, दीपेन्द्र सिंह ऐरि, सोमपाल कामी र करण केसी ग्रेड ‘ए’ मा छन् । ग्रेड ‘बी’ मा कुशल भुर्तेल, आसिफ सेख, शरद भेसवाकर, आरिफ सेख, अविनाश बोहरा र विनोद भण्डारी रहदा ग्रेड ‘सी’ कुशल मल्ल, रोहित कुमार पौडेल, कमल सिंह ऐरि, विक्रम सोव, साहब आलम, सुशन भारी र पवन सर्राफ छन् ।
यस्तै महिला तर्फ ग्रेड ‘ए’ मा रुबिना छेत्री, सिता राना मगर, इन्दु बर्मा, काजल श्रेष्ठ र करुणा भण्डारी छन् ।ग्रेड ‘बी’ मा सरिता मगर, कविता कुवर, अप्सरी बेगम, सरस्वती चौधरी, सवनम राई र ज्योति पाण्डे रहँदा ग्रेड ‘सी’ मा डली भट्ट, कविता जोशी, सङ्गीता राई, रोमा थापा, अस्मिना कर्माचार्य, ममता चौधरी र बिन्दु रावल छन् । यसैगरी बैठकले आउँदो फागुन१३ र १४ गते धनगढीमा साधारणसभा गर्ने निर्णय गरेको छ ।यसअघि माघमा साधारणसभा गर्ने भनिएपनि २० जिल्ला सङ्घको अधिवेशन नभएका कारण रोकिएको थियो ।
