माघ १५, काठमाडौँ ।
देशभर रहेका ७ सय ५३ स्थानीय तहमध्य अझै पनि २८ वटा स्थानीय तहको केन्द्र बारे सहमति जुट्न सकेको छैन ।
२८ वटा स्थानीय तहको केन्द्र विवादबारेको विषय सङ्घीय मामिला तथा सामान्य प्रशासन मन्त्रालय सम्म आइपुगेको छ । मन्त्रालयमा ती स्थानीय तहले केन्द्र परिर्वतन, पालिकाको नाम परिवर्तन र केन्द्र र नाम दुबै परिवर्तन गर्नबारेको फाइल पुगेको छ ।
५ वर्षको अवधिमा ६३ वटा स्थानीय तहले वडा सङ्ख्या थप, सीमाना हेरफेर लगायतको लागि माग गर्दै फाइल पेश गरेका छन् ।
मन्त्रालयका सङ्घीय मामिला शाखाका उपसचिव तुलसीराम अर्यालले यसबारेमा आएका कागजात सम्बन्धमा अध्ययनको काम भइरहेको बताउनुभयो । सीमा विवाद समाधान गर्न स्थलगत निरीक्षण नै गर्नुपर्ने मन्त्रालयले जनाएको छ ।