२० औं संस्करणको आहा रारा गोल्डकप फुटबल प्रतियोगिताको उपाधिका लागि आज मनाङ मस्र्याङ्दी क्लब र विभागीय टिम नेपाल एपीएफ क्लबबीच प्रतिस्पर्धा हुँदैछ । पोखरा रङ्गशालामा हुने फाइनल खेल दिउँसो २ बजे सुरु हुनेछ ।
आजको खेलमा मनाङ र एपीएफ दुबै उपाधि जित्ने योजनासहित मैदान उत्रने छन्। ६ पटक उपाधि जितिसकेको मनाङ ७ औं पटक उपाधि आफ्नो पक्षमा पार्ने योजनामा हुनेछ भने एपीएफ पहिलो पटक उपाधि उचालेर इतिहास रच्ने सोंचमा रहेको छ ।
सहारा क्लब पोखराको आयोजनामा जारी प्रतियोगिताको विजेताले १० लाख १ हजार र उपविजेता टिमले ५ लाख १ हजार प्राप्त गर्ने छन् ।