फागुन १५, दाङ ।
अभिनेता पल शाहले प्रहरीसामु आत्मसमर्पण गर्ने बताएका छन् । शाहलाई जबरजस्ती करणीको अभियोग लागेकाे थियाे ।
शाहले सामाजिक सञ्जाल फेसबुकमा स्ट्याटस लेख्दै आज आइतबार आत्मसमर्पण गर्ने जनाएका हुन् । उनले लेखेका छन् ‘आइतबार प्रहरीसामु आफैं उपस्थित हुनेछु ।मेरो आफ्नो स्वास्थ्य स्थिति बिग्रिएको हुनाले साथै घरको सबै घर व्यवहार मिलाउनु परेकाले र मेरो फिल्म ‘म यस्तो गीत गाउँछु-२’ गत शुक्रबारदेखि नेपालभर प्रदर्शन भएका कारण फिल्मलाई असर नपरोस् भनि म प्रहरीसामु उपस्थित हुन नसकेकोमा माफी माग्न चाहन्छु ।´
जिल्ला प्रहरी कार्यालय, तनहुँमा ११ फागुनमा गायिका समीक्षा अधिकारीले शाहविरुद्ध किटानी जाहेरी दिएकी थिइन् ।