मा प्रकाशित
दाङ, वैशाख २९ । सुर्खेतको गुर्भाकोट नगरपालिका–११ का वडाध्यक्षका उम्मेदवार राजन विसीलाई प्रहरीले नियन्त्रणमा लिएको छ ।
नेकपा एमालेबाट वडाध्यक्षको उम्मेदवार बनेका बिसीले मतदातालाई पैसा बाँडेको आरोपपछि प्रहरीले नियन्त्रणमा लिएको हो ।
बुधबार राति वडाको एक वस्तिमा रहेका मतदाताको घरमा पुगेर उम्मेदवार बिसीले पैसा बाँडिरहेको भन्ने सूचना आएपछि प्रहरी टोली त्यहाँ पुगेको थियो ।
प्रहरीले खानतलासी गर्दा बिसी पुगेको घरमा १ लाख १ हजार रुपैयाँ झोलामा राखेको नगद समेत फेला परेको जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक रामप्रसाद घर्तीले जानकारी दिए ।
बिसीलाई गुर्भाकोटको ईलाका प्रहरी कार्यालयमा राखिएको छ ।
