मा प्रकाशित
दाङ, जेठ ११ । रोल्पामा भएको अटो दुर्घटनामा परि चालकको घटनास्थलमै मृत्यु भएको छ । अटो चालक रोल्पा नगरपालिका वडा नं। २ का २९ बर्षीय महेश कवरको घटनास्थलमै मृत्यु भएको छ ।
मंगलबार बेलुका ६ बजेतिर रोल्पा नगरपालिका – २ सिमलबाङबाट माडीचौर तर्फ जाँदै गरेको रा १ ह ४३४७ नम्बरको अटो अनियन्त्रित भइ सडकदेखि झन्डै ५० मिटर मुनी खसेको थियो ।
जिल्ला प्रहरी प्रमुख डिएसपी बिनोद घिमिरेका अनुसार दुर्घटनामा परि तीन यात्रु घाइते भएका छन् ।
दुई जना उपचार पछि डिस्चार्ज भइ सकेको र एक जना गम्भीर घाइते रोल्पा नगरपालिका – ७ का अन्दाजी ५२ बर्षीय जानसिंह पुनलाई थप उपचारको लागि बुटवल पठाइएको डिएसपी घिमिरेले बताए ।
