मा प्रकाशित
असार १६, दाङ ।
पाँच वर्ष जनप्रतिनिधिकाे भूमिका पूरा गरेर दाङ जिल्लाका जिल्ला समन्वय समितिका निवर्तमान प्रमुख जितेन्द्रमान नेपाली आफ्नै काममा फर्किएका छन् ।
आज बिहीबार निवर्तमान प्रमुख नेपालीले सामाजिक सञ्जाल फेसबुकमा काम गर्दै गरेकाे एक तस्बिर पाेस्ट गर्दै आफ्नै पुरानाे व्यवसायमा फर्किएकाे बताएका हुन् । `पाँच बर्षपछि पुनः आफ्नो व्यवसायमा फर्केको छु, सेवा गर्ने अवसर दिनुहुन सबै महानुभावमा हार्दिक अनुरोध छ।´ उनले सामाजिक सञ्जाल फेसबुकमा लेखेका छन् ।
नेपालीले बिगत लामाे समयदेखि दाङकाे घाेराहीमा कपडा सिलाइ व्यवसाय सञ्चालन गर्दै आएका छन् । जिससमा नयाँ प्रमुख नियुक्त भएसँगै नेपाली पुरानाे व्यवसायमा फर्किएका हुन् ।
नेपाली २०७४ सालमा नेकपा एमालेका तर्फबाट जिसस दाङकाे प्रमुख भएका थिए ।
