साउन २३, काठमाडौं ।
मदन पुरस्कार गुठीले मदन पुरस्कार २०७८ का लागि ८ वटा पुस्तक छनाैट गरेकाे छ ।
गुठीले सोमबार ८ वटा पुस्तकको सूची सार्वजनिक गरेको हो।
सूचीमा नवराज लम्सालको अग्नि, दामोदर पुडासैनी ‘किशोर’को ग्रीष्मको निलो बतास, बसन्त बस्नेतको महाभारा, दीपा मेवाहाङ राईको यादको सन्दुक, नयनाथ पौडेलको लिच्छवि लिपि, निलमणि ढुंगानाको व्युत्पत्तिमूलक संस्कृत-नेपाली शब्दकोश, सुजित मैनालीको सती: इतिहास र मीमांसा र पद्मसुन्दर जोशीको हिति प्रणाली छन्।
यी ८ पुस्तकबाट एउटा पुस्तक मदन पुरस्कारका लागि छनाैट हुनेछ । गुठीमा मदन पुरस्कार २०७८ का लागि २१० पुस्तक पेश भएका थिए।