मा प्रकाशित
भदौ ३०, काठमाडौँ ।
चार जना पूर्वप्रधानन्यायाधीशहरूले महाभियोग सिफारिस समितिलाई पत्र लेख्दै समितिसमक्ष उपस्थित हुन नसक्ने बताएका छन् ।
पूर्वप्रधानन्यायाधीशहरू मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले महाभियोग सिफारिस समितिलाई पत्र लेख्दै स–शरीर उपस्थित हुन नसक्ने जानकारी गराएका हुन् ।
महाभियोगपछि निलम्बित प्रधानन्यायाधीश चोलेन्द्र शमशेर जबराले समितिसमक्ष बयान दिने क्रममा पूर्व प्रधानन्यायाधीशहरूमाथि पनि विभिन्न आरोप लगाउनुभएको थियो ।
बयानका क्रममा जबराले नाम लिनुभएका र आरोप लगाउनुभएकाहरूलाई समितिले बोलाएको थियो। तर, पूर्वप्रधानन्यायाधीशहरूले उपस्थित हुन नसक्ने जानकारी गराएका हुन्।यस्तै अभियुक्तले कसैमाथि दाबी या आरोप लगाउन नमिल्ने पनि पत्रमा उल्लेख छ ।
